牧羊少年咖啡館 (白楊街)

Open Now

Now Closed

今次輪到同大帝二人世界, 同佢係附近遊樂場玩左陣就去左牧羊少年食晚餐。大帝都幾大食所以叫左2個餐點，叫左西冷牛扒配自家荷蘭汁，蕃茄大蝦意粉，日落巴黎。西冷牛扒配自家荷蘭汁係default 左7成熟，牛扒肉質有咬口帶有脂肪筋位好正，一d都唔肥膩我食晒成塊扒連脂肪筋位，荷蘭汁亦好香好開胃。蕃茄大蝦意粉大帝大大啖食，表示好味道。日落巴黎係香脆原味窩夫配上甜美香蕉同朱古力醬，朱古力雪糕，作為飯後甜品一流又豐富，大帝都爭住食。餐廳有好多特式擺設，裝修帶點懷舊色彩，環境舒適有情調。