House of Joy Oyster Bar and Restaurant

Open Now

Now Closed

前幾日，我帶咗女朋友去一間叫做美孚嘅餐廳慶祝周年。我哋之前嚟過呢度，味道好好，所以呢次特別帶佢嚟呢度慶祝。餐廳嘅氣氛同環境都好靚，好適合情侶約會美孚以多國料理出名，幾乎你諗到嘅菜式呢度都有。我哋點咗幾樣特別嘅料理。首先係烤焗法國脆皮黃油雞，配菜有炒栗子同椰菜仔。黃油雞烤得外皮好酥脆，入面好嫩滑且非常入味，可以沾上佢哋提供嘅西班牙紅椒忌廉汁，口感更加豐富。椰菜仔嘅脆爽同栗子嘅甜香，口感非常和諧👍🏻我女朋友點咗烤西班牙伊比利亞黑毛豬鞍架配南瓜燴薏米，呢道菜充滿西班牙風味。特別之處係使用伊比利亞黑毛豬，搭配南瓜同薏米。伊比利亞黑毛豬嘅肉質嫩滑多汁，外皮香脆。香甜嘅南瓜燴薏米同豬肉嘅鹹香味完美搭配，我女朋友食咗都讚不絕口🤤🤤我哋仲點咗香煎法國鵝肝配法國甜包。呢道料理入面仲有蜜糖黑醋烤無花果。鵝肝經過香煎，外脆內嫩，搭配微甜嘅法國甜包，口感極佳。無花果軟糯多汁，蜜糖嘅甜味同黑醋嘅酸味形成獨特嘅味道我哋對呢間餐廳嘅食物評分好高。不論係食物嘅味道，定係價錢，甚至服務方面都非常好，有機會下次仲會再嚟。