軍記海鮮菜館 (Closed)

今晚3個人揾食搵到黎佐敦，席間有人提議食附近一間小菜叫軍記。環境衛生感覺好一般，如果有潔癖既朋友就真係唔好考慮。佢哋有分套餐、散叫小菜，我地叫左個套餐A，有風沙雞半隻、蒜蓉粉絲蒸元貝、上湯浸時蔬，另外我地再叫左個椒鹽九肚魚、乳鴿。風沙雞夠味既，不過上枱時係凍。上湯浸時蔬就正正常常分量較少。最好食算係個蒜蓉粉絲蒸元貝。乳鴿size唔大所以唔算多肉食。椒鹽九肚魚如果佢上左粉炸完再加椒鹽炸蒜一齊落炒下可能會仲正。