惠 (Closed)

趁住年尾就慰勞一下一年既辛苦，帶埋媽媽一齊食好野，朋友推薦左灣仔「Sushi Kei」，一於Book位試一試！一嚟到見到店內嘅裝修都好靚，光線充足而且感覺簡單乾淨。而且壽司師傅也很友善，笑容很好。今日嗌左午市套餐HK$498 『壽司十二貫。套餐包括前菜，茶碗蒸，汁物，甜品。前菜靜岡番茄，酸酸甜甜非常開胃，茶碗蒸蛋味好香。師傅逐一講解埋壽司嘅配搭同特點，非常親切友善。蜜金錭好新鮮，肉質柔軟肥美，口感嫩滑。鰤魚魚味超濃郁，油潤肥厚。三文魚籽大大粒晶瑩剔透，好鮮美又咸度適中。能夠感受到師傅既用心同手藝！