The Town (Closed)

位於燒鵝名店鏞記上面，由於係樓上餐廳，唔特登揾應該比較難發現。 餐廳有兩層，裝修係輕奢風格，位置擺放得寬鬆，所有凳都係有厚軟墊的，地面鋪上地毽，從入餐廳到坐低都感覺軟綿綿的，環境好舒適。點左Chinese Executive Set Lunch, 每位288+10%，價錢合理。是日老火湯紅蘿蔔粟米排骨湯，冇味精同煲得夠火候。點心拼盤有一粒蝦餃，一粒素菜餃同叉燒酥。叉燒酥造型靚，入面有足料半肥瘦叉燒，醬汁濃厚。上海焗海蝦伴窩巴大蝦新鮮彈牙，芡汁唔太濃，唔會遮蓋蝦嘅鮮味。雙筍頭抽爆牛肋肉呢個比較普通，牛肋肉較韌，需要咬好耐，唔太入味。金銀蒜炒時蔬顏色翠綠，口感脆嫩，正常中菜廳水準。迷你海南雞飯油飯粒粒分明，帶有薑蔥嘅香味，雞肉肉汁嫩滑，好食，如果大份d更好。中式甜點陳皮紅豆沙，濃度適中，煲到起沙而且豆粒仍然有咬口。