PizzaExpress (One Island South)

Open Now

Now Closed

今日得閒，就返南區，約媽媽細妹去黃竹坑「Pizza Express」 lunch， 分店鄰近地鐵站，環境開揚，座位寬闊。牛油果蕃茄沾醬牛油果加上蕃茄、蛋黃醬、蕃茜、橄欖油及開心果等製成醬，用以點薄包片，清新又開胃。意式焗肉丸焗豬肉丸，彈牙多汁，配香辣蕃茄牛肉醬汁及白汁，仲灑上蕃茜，好惹味，又可以點香草包吃。海鮮沙律(細)雜錦海鮮、煙三文魚他他，仲有柚子、車厘茄、青忌廉及青菜沙律，再加柚子沙律汁， 非常清新美味。北京烤鴨薄餅鴨胸尚算嫩滑，餅皮夠薄脆，配上海鮮醬、辣椒及其他配料，微微辣，夠曬滋味。蒜香新豬肉螺絲粉新豬肉味道及囗感都幾似真豬肉，加配赫蓉、辣椒碎、蘑菇和火箭菜，辣辣地，味道不錯。意大利芝士蛋糕用杯上的意大利芝士蛋糕，上面撒上可可粉及士多啤梨， 很滑順，不算甜，作飯後甜品不錯。另叫了3杯飲品，青蘋果檸檬特飲，入面青蘋果、青瓜、檸檬汁、梳打水及薄荷，酸甜甜， 好開胃；凍檸檬茶，可以無限添飲， 味道好飲；鮮奶咖啡， 好香滑，仲會有塊曲奇餅配飲。