Mamaday (Closed)

今日同朋友黎到呢間我想食好耐既餐廳，知道佢出名在得意搞鬼既菜式名，食物質素又唔差。睇下佢既餐具就知啦。睇完餐牌揀左避風塘style肥牛蛋包飯同真心無乜驚喜黑松露意大利扁麵，我比較鍾意蛋包飯，隻蛋好滑，份量好足，好味。黑松露意大利扁麵既黑松露醬好濃稠，不過份量比飯少。加左$18要薯條同加左$38要紫薯窩夫，薯條新鮮炸起，紫薯窩夫脆口，配以豆腐味雪糕，好滿足~飲品一個要餐既無糖紅茶，另一個加錢要焦糖脆脆咖啡沙冰，杯面上有焦糖脆脆同1塊Oreo，不太甜。