京都勝牛 (MONTEREY Place) (Closed)

太耐冇去旅行所以一見到呢間竟然係將軍澳開咗，即刻要試下，當去返個short trip。食物質素同埋服務真係完全拍得住日本既水準!京都勝牛三味套餐呢個餐有醬味薄牛、菲力牛同埋翼板牛。牛肉味好濃而且肉質夠鮮嫩，炸完之後仲係紅紅地色既肉淋得嚟又冇筋，完全唔需要再用鐵板煎熟少少，可以睇得出個師傅功力真係十足! 當然現場都有唔少人用鐵板，相信係完全唔同風味，生熟完全可以自己掌握哂! 另外仲有可以refill既燕麥飯、麵豉湯同埋椰菜絲沙律。個飯加咗燕麥食落口感豐富而且夠哂熱辣辣，麵豉湯就正正常常。椰菜絲沙律加上柚子汁其實都好開胃，尤其食完炸野後可以清一清口腔，完全同日本一模一樣!特選海產套餐有成隻手掌咁大既蝦、廣島蠔同埋鰻魚。呢個真係好抵食，因為食材好新鮮而且又係炸得岩岩好，保留到食物鮮味又有炸漿既惹味口感。蝦肉好嫩好爽口，就咁食基本上都好有鮮味!蠔係用咗廣島蠔所以味道好突出而且亦都夠嫩滑! 鰻魚第一次咁樣食，魚肉亦都保留到juicy既口感又有魚既鮮味!另外仲嗌咗藍柑荔枝特飲同埋日式柚子茶，兩款都好足料絕對唔係就咁加糖水，特別係個特飲荔枝味濃而且清甜!最後仲有個抹茶紅豆心太軟，抹茶味真係好濃郁又唔