Flames (黃埔天地)

Open Now

Now Closed

香燒粟米巴馬火腿蔬菜沙律朋友好喜歡，因為冇汁🤣。都係嘅，食沙律就係想健康，啲汁又高糖高脂。雖然冇汁，不過就用左最原始嘅調味--鹽，去帶出蔬菜嘅鮮甜，再加啲芝士粉去增加蔬菜嘅香氣，仲有燒過嘅甜甜粟米，濃濃嘅巴馬火腿，使沙律清爽中帶點邪惡🤭，好味丫。香煎照燒汁橙鯛魚柳魚柳都幾大舊，本身魚柳冇乜味，照燒汁香濃嘅配搭都幾襯，味道平衡。卡邦尼薄餅如果覺得呢個卡邦尼同意粉嘅卡邦尼差不多，你會好失望。呢個卡邦尼薄餅就好有驚喜，好好味。個批好夠脆，個底味係茄醬，面料配大大塊焗到脆嘅煙肉，當然唔少得芝士，最特別係面頭啲蛋，係焗到仲有啲流心嘅鵪鶉蛋，一口咬落去，啲蛋汁噴出嚟，成手都係🤣，呢個值得試下丫。