天空虎嘯

Open Now

Now Closed

一群朋友約我周末出嚟食餐飯，其中一位朋友話想食海鮮，然後又有朋友話想食日本菜，為咗兩全其美，我哋就搵咗呢間「天空虎嘯」，係日式主題餐廳，仲係主打海鮮，就可以畀兩位朋友都食得開心喇。呢度裝潢擺設都好日式風格，畀人一種高檔感覺，啲嘢擺得好靚。然後呢度嘅套餐係按人頭計，但係啲嘢食都係啲高級嘢。【刺身頭盤】有好多款海鮮刺身可以試，冇一樣伏，全部都好食。【阿拉斯加長腳蟹】平時實食唔到咁新鮮又咁靚嘅蟹，味道同肉質同平時食開嘅普通蟹真係唔同晒。【鮮北海道北寄貝】好大隻，一啖食落去，成口都係貝肉，好鮮。【龍蝦湯蒸蛋配蟹肉】好有特色，龍蝦湯特有嘅鮮香令到蒸蛋好入味，仲有蟹肉做配料。【蘇格蘭刺身帶子】肉質好鮮嫩，配埋海草同西京麵豉，別有一番風味。【日式京蔥醬油配本地雞】攞嚟蒸熟之後，雞肉好juicy，肉質唔會鞋，好嫩，醬汁配搭都好入味。【士多啤梨芝士蛋糕】食完飯食呢個甜品都唔會覺得滯，味道唔會太甜，味道啱啱好。呢度真係好啱同朋友嚟享受吓，環境真係好好。