Gathering (Closed)

同學聚下舊，呢度真係唔錯，有時小店更有人情味，做食物更有heart。睇下好咩好食先，加$28轉餐有湯有飲品，抵食。今日係南瓜湯同水牛芝士沙律，南瓜湯有拉花，連餐包嘅牛油都有花，靚靚。好少沙律會有埋水牛芝士加埋兩片橙，一啲都唔吝嗇。法式鵝肝伴焦糖蘋果，除咗厚厚既鵝肝，焦糖蘋果真係好特色，又甜又脆嘅焦糖配埋爽口嘅青蘋果，又甜又清新。煎大蝦茄汁扁意粉，茄汁沾滿每條意粉，大蝦有三大隻，好好味！美國牛腹肉牛扒配香草燒新薯，牛腹肉柔軟稔身，咬落肉汁溢岀，連薯角呢個配菜都煎得好香脆，正！飲品叫左熱朱古力同Shirley Temple。。。