Video
Read full review
2021-07-11
193 views
今次係母親節既Special menu，因為母親大人唔想太破費，所以我揀左呢間平啲又熱門既fine dining，不過希望太大，落差有啲大... 唔計用料，食材搭配同賣相都重要，賣相合格，但味道太普通，節日呢個價位，食普通西餐有好多選擇，不過想試fine dining又唔想太貴，可以平時嚟，平日menu感覺好啲環境黑黑地，有啲壁畫，整體唔夠grand～ 食物上既次序唔係跟menu，會一係無野食嚟，一係一齊嚟，加上差唔多無講解菜式，呢個需要改善一下，兩樣野都係fine dining既要素～ 不過請staff幫手影相，同埋介紹送既有氣桃🍑醋嗰陣係ok既～ 跟住講下野食：(5😍 係滿分，🤩係半分）餐包 🍞(好味指數：😍😍😍🤩)有3款，幾香同軟熟，圓形嗰個仲有啲煙韌，其他既分別有莓乾🍓，同果仁，一種酸酸甜甜，另一款脆脆地幾香口，不過可以熱啲，另外有牛油🧈、意大利🇮🇹黑醋同橄欖油任供選擇Canapé: 南非鮑魚千層酥皮批 🦪🥧 (好味指數：😍😍😍🤩)酥皮香脆鬆化，幾重牛油🧈香味，層次可以多啲～ 餡用原隻鮑魚，鮮味兼幾彈牙，加埋菇🍄粒有咬口，不過鮑魚放喺批上面會靚啲，裡面可以加雞肉蓉🐥 或者另外將
環境黑黑地，有啲壁畫，整體唔夠grand～ 食物上既次序唔係跟menu，會一係無野食嚟，一係一齊嚟，加上差唔多無講解菜式，呢個需要改善一下，兩樣野都係fine dining既要素～ 不過請staff幫手影相，同埋介紹送既有氣桃🍑醋嗰陣係ok既～ 跟住講下野食：
(5😍 係滿分，🤩係半分）
餐包 🍞(好味指數：😍😍😍🤩)
有3款，幾香同軟熟，圓形嗰個仲有啲煙韌，其他既分別有莓乾🍓，同果仁，一種酸酸甜甜，另一款脆脆地幾香口，不過可以熱啲，另外有牛油🧈、意大利🇮🇹黑醋同橄欖油任供選擇
餐包
2 views
0 likes
0 comments
Canapé: 南非鮑魚千層酥皮批 🦪🥧 (好味指數：😍😍😍🤩)
酥皮香脆鬆化，幾重牛油🧈香味，層次可以多啲～ 餡用原隻鮑魚，鮮味兼幾彈牙，加埋菇🍄粒有咬口，不過鮑魚放喺批上面會靚啲，裡面可以加雞肉蓉🐥 或者另外將鮑魚切碎連埋菇粒，口感會更豐富！宜家有少少乾，多啲汁更好～
南非鮑魚千層酥皮批
1 views
0 likes
0 comments
Soup: 傳統法式洋蔥湯 🧅🥣 (好味指數：😍😍😍)
洋蔥🧅幾多，炒得腍，鹹味夠，不過香味太淡，可能炒既時間唔夠所以唔夠焦糖化，湯比日式洋蔥湯🥣更稀... 仲有放喺碗既sourdough, 同包籃🧺既包🍞唔同，呢個硬到敲落枱面有聲，浸湯之後叫做咬到， 雖然配湯食口感豐富啲，但無可能一唔浸湯就硬到咁，呢個真係留意
傳統法式洋蔥湯
1 views
0 likes
0 comments
Sharing Starter (1): 日本油甘魚配香茅油，三文魚籽 🇯🇵🐟🟠 (好味指數：😍😍😍😍)
油甘魚🐟幾新鮮同肥美，用好似花之戀既擺法上碟幾靚，香茅油既香味唔係好感受到，加上呢道菜唔濃味，所以突出唔到香茅令成道菜清新左既感覺，亦無吊到個魚既鮮味出嚟，至於三文魚籽🟠幾新鮮同脆卜卜，咬落去爆汁既口感令到成道菜層次多左
日本油甘魚配香茅油，三文魚籽
3 views
0 likes
0 comments
Sharing Starter (2): 煙鴨胸、意大利巴馬火腿 凍肉拼盤 🦆🇮🇹🥓 (好味指數：😍😍😍🤩)
煙鴨胸太常見，煙燻味算濃又唔會好鹹，肥瘦適中，肉質軟腍；巴馬火腿偏鹹，香味唔夠出，不過肉質柔軟～ 雖然有啲沙律菜🥗，原意係想中和肉既鹹味，不過無加醋或者柚子汁之類既調味就有啲寡，唔係好起到中和既效果，另外可以考慮翻傳統配蜜瓜🍈，清爽得黎又可以唔加調味料
煙鴨胸、意大利巴馬火腿 凍肉拼盤
4 views
0 likes
0 comments
Sharing Main Course (1): 南瓜菠菜意大利飯配日本刺身帶子 🎃🥬🇮🇹🍲🇯🇵⚪️ (好味指數：😍😍😍🤩)
意大利飯偏硬，其實比較近標準，不過唔係人人接受，有機覺得佢偏生～ 南瓜🎃汁香甜濃郁，夠杰身～ 上面有芝士絲🧀 令個飯creamy啲亦唔會好漏，不過唔夠熱，芝士🧀唔係半溶就未完全發揮到芝士既效用～ 刺身帶子⚪️有少少overcook，算彈牙但唔夠鮮甜，理想係表皮香脆爽口，裡面有啲生既軟嫩質感～ 至於菠菜就偏生
南瓜菠菜意大利飯配日本刺身帶子
4 views
0 likes
0 comments
Sharing Main Course (2): 烤豬腹柳卷配酸椰菜、車厘子汁🐷🍒(好味指數：😍😍😍)
個樣似紅燒元蹄幾特別，皮、脂肪同肉分佈清楚，脂肪既位爽口，肉質幾腍～ 原本係參考德國🇩🇪鹹豬手配酸菜絲，可惜肉無咩點醃，吊唔到豬🐷味出嚟，脂肪未做到入口即溶，比酸菜絲同車厘子🍒汁搶晒味，無左中和鹹味既功能，得翻酸，皮唔脆之餘硬到切唔開... 未至於難食，但突出唔到主角... 浪費左舊五花腩，因為五花腩通常炆、慢煮都好食，但今次無呢個效果
烤豬腹柳卷配酸椰菜、車厘子汁
10 views
0 likes
0 comments
Sharing Main Course (3): 美國牛柳配普羅旺斯燴菜 🇺🇸🐮🍆 (好味指數：😍😍😍😍)
呢碟唔錯，肉質算嫩滑同埋juicy，唔會太熟或者overcook，中間紅紅地色，亦都有牛🐮味，加埋中間既表皮有一層薄薄既炸皮，有啲威靈頓牛排既feel，幾特別👍🏻 至於普羅旺斯燴菜係茄醬🍅茄子🍆同埋翠玉瓜🥒，口感唔會太腍，帶有少少爽口～ 隔離既白色醬無特別味
美國牛柳配普羅旺斯燴菜
1 views
0 likes
0 comments
Desserts: 巴黎聖日耳門法式小甜點拼盤 (好味指數：😍😍😍😍)
口味係隨機既，今次係蛋糕🍰、朱古力波🟤、泡芙🌰同埋可麗露 🍮
蛋糕 🍰🍓 鬆軟，有蛋香🥚，仲有啲紅莓乾🍓，酸酸甜甜唔錯😋 朱古力波🟤咬落去有凍凍地既榛子🌰cream幾滿足；泡芙 🌰 外殼幾香酥鬆脆，入面濕潤帶啲煙韌，包住紅莓味既cream，酸酸甜甜幾fresh；可麗露 (canelé) 🍮 有焦褐色而微硬既焦糖外殼，係法國🇫🇷波爾多既特產，幾香rum酒味，甜甜地，不過焦糖味可以再出啲，裡面幾蓬鬆濕潤帶啲煙韌，不過表皮唔脆
巴黎聖日耳門法式小甜點拼盤
1 views
0 likes
0 comments
好味指數：😍😍😍
推介指數：😍😍😍🤩
Post
