里木

Open Now

Now Closed

特別適合慶祝節日嘅日本Omakase餐廳，死黨同屋企人如果有咩值得慶祝，我都會帶佢哋去里木，享受高檔嘅美食。今年夏季菜單主題係海膽，當然仲有其他高級食材配搭，開胃菜肯定可以喚醒沉睡嘅胃。日本蠔同魚子醬一齊，肥美多汁嘅日本三倍體蠔，肉質鮮美，被譽為"海之玄米"，同貝加爾湖嘅鱘魚子醬，咁豐富嘅口感組合，依然各自綻放色彩。接著係殼付原隻海膽，必食，肉質肥美鮮嫩，入口即化，必不可錯過。一道愛知縣白象拔蚌同北海道粒貝配沖繩水雲，你就知道呢餐好值得。名古屋嘅名產白見貝又叫象拔蚌，含住最新鮮嘅海水味，口感爽脆俐落，非常鮮甜。灑上柚子皮嘅北海道粒貝擺喺高杯中就好似一尊高級藝術品，肉質幼嫩，食落去清爽彈牙。再食下一道之前，先食沖繩特產水雲又叫海草，主要為咗去掉遺留喺口腔嘅味道，並迎接下一道松葉蟹雞湯配海膽嘅到來。新食法解鎖亦係好好嘅體驗，帶來咗好大嘅驚喜。雞骨熬製而成嘅高湯配上日本松葉蟹肉，再加上鮮甜嘅海膽，根本就係一場盛宴。最後點名岩手縣市石垣貝壽司，口感厚實，入口帶點脆之餘亦滑嫩，最重要嘅係好新鮮。