熊小館 (Closed)

唔知點解呢 openrice 好搞笑！我次次真金白銀甘去俾$食野 去發掘新地方介紹下 總要話間餐廳嘅代理人檢舉我！？死要逼我簡乜野試食活動先俾post !不如你直接同我講你唔俾人介紹啦～～～～有冇諗過可以同埋一大堆熊啤啤一齊食野呢？最近QT發現荃灣愉景新城冇間新餐廳叫「熊小館」～ 我呢就係行街無意甘發現嘅 ～ 因為成間就好似童話世界甘好多熊啤啤又色彩繽紛～ 所以直接吸左QT入去～～入到去睇睇個「咩料」價錢上係家庭價～ 我同男朋友就叫左個2人晚餐set try try ~ 個餐湯係磨菇忌廉湯～ QT要讚嘅依個湯！好有誠意！因為個湯唔係罐頭野 而係食得出係磨菇煲爛打溶再配忌廉煲到香滑～ 用跟碟嘅蒜容包點黎食！絕配！～ 頭盤係青口～ 不過不失，如果個cream 傑身d可以漿到每隻青口更佳！主菜烤豬手伴薯菜～ 味道夠入味 淋上左黑胡椒汁～ 豬手值得欣賞位係皮係超級脆～ 脆到好似燒乳豬仔嘅皮甘～肉就好滑唔會干巴巴！QT覺得依間餐廳好適合一家大細黎 ，餐廳好細心有熊啤啤公仔書俾小朋友借讀又有熊公仔～ 小朋友一見到佢地即時乖乖坐定定食飯～ 其實黎拍拖都唔錯 環境啦 同價錢都容易令人接受😊