Video
Read full review
2019-11-09
51 views
上網見到吳彥祖嘅訪問 , 知道佢喺中環蘇豪區開咗一間食店 ,今日上午咁啱係中環工作 , 就特登同朋友嚟試下啦 !一打開𨋢門就見到好靚嘅酒櫃 😍😍 !一坐低 , 店員為我地詳細介紹餐牌 ~ 聽店員講食店 11 月開始提供午餐 , 由而家開始至 12 月 7 日 , 逢星期一至五下午 2 - 3 點黎食午餐有 85 折 😯😯5 款招牌午餐包括素食沙律 , 烏冬 , 飯等等 , 有幾款都想試 , 值得一讚係每款都有圖片望下 👍餐牌 :日式火辣雞肉丸串味飯 , 配日本流心蛋 , 自家制越式醃菜及脆紫菜 ($125)擺盤非常吸引 , 自家醃菜有洋蔥 , 紅蘿蔔 , 白蘿蔔等等 , 幾好味 , 平時唔鍾意食醃菜嘅我哋都食咗好多 店員極力推介用紫菜包住味飯同埋雞肉丸串去食 , 味道真係好特別 , 大家都一定要試下 !! 😲😲一望日本流心蛋嘅蛋黃顏色就知係靚蛋 , 流心程度做得啱啱好 , 蛋味相當香濃 !慢煮厚切日式黑松露叉燒鵝肝迷魂飯配自家制越式醃菜 ($148)擺盤賣相同樣吸引 , 店員話呢個飯最多客人點 ~ 慢煮日式叉燒調味特別 🤤 , 黑松露味唔會太搶 , 甜甜地 , 唔肥膩 , 值得一試
今日上午咁啱係中環工作 , 就特登同朋友嚟試下啦 !
一打開𨋢門就見到好靚嘅酒櫃 😍😍 !
一坐低 , 店員為我地詳細介紹餐牌 ~ 聽店員講食店 11 月開始提供午餐 , 由而家開始至 12 月 7 日 , 逢星期一至五下午 2 - 3 點黎食午餐有 85 折 😯😯
5 款招牌午餐包括素食沙律 , 烏冬 , 飯等等 , 有幾款都想試 , 值得一讚係每款都有圖片望下 👍
餐牌 :
日式火辣雞肉丸串味飯 , 配日本流心蛋 , 自家制越式醃菜及脆紫菜 ($125)擺盤非常吸引 , 自家醃菜有洋蔥 , 紅蘿蔔 , 白蘿蔔等等 , 幾好味 , 平時唔鍾意食醃菜嘅我哋都食咗好多
店員極力推介用紫菜包住味飯同埋雞肉丸串去食 , 味道真係好特別 , 大家都一定要試下 !! 😲😲
一望日本流心蛋嘅蛋黃顏色就知係靚蛋 , 流心程度做得啱啱好 , 蛋味相當香濃 !
慢煮厚切日式黑松露叉燒鵝肝迷魂飯配自家制越式醃菜 ($148)擺盤賣相同樣吸引 , 店員話呢個飯最多客人點 ~
慢煮日式叉燒調味特別 🤤 , 黑松露味唔會太搶 , 甜甜地 , 唔肥膩 , 值得一試 !! 👍
另一主角鵝肝都算大塊 😏😏 煎得好香 !
惹味燒雞皮串 ($38) 雞皮炸到脆卜卜 , 面頭灑上七味粉 , 都幾辣嫁 , 送酒一流 !
燒日式流心芝士年糕 ($38) 呢個芝士年糕勁好味 !! 😋😋 同坊間嘅芝士年糕唔同 !! 大家一定要試下 !! 一件絕對唔夠喉 🤭🤭
自家製冰爽青檸茶 (跟餐) 檸味好清新 , 一啲都唔假 , 推介 !!
椰子水 ($38)
見佢餐牌寫住 "best tasting coconut juice" , 果然唔錯 , 味道更加真 , 更加清甜 ~ 😀😀
雖然今日與男神吳彥祖無緣 😂 , 不過食左一頓美味午餐 , 大滿足 😌😌 ~~
Post
