皇茶冰室 (Closed)

帶細女落沙咀道睇隊友比賽，睇完一場話肚仔餓，咁就帶佢去附近搵嘢食，見到呢間寫住招牌沙嗲牛肉麵，就入去試一試。先嚟咗個北海道36牛乳炒滑蛋，配牛油厚多，講真個滑蛋炒得過咗火有啲老。至於招牌沙嗲牛肉麵就一般，唔太差亦唔見得好想再翻食，應該係個沙嗲汁唔夠多，啲牛肉就冇想像中咁好，可能我對沙嗲牛比較嚴謹嘅關係。餐飲叫咗熱好立克，反而呢杯熱好立克係重點，我覺得非常好飲，好立克粉夠晒多，但又唔會太甜，有啲餐廳沖到好難飲，但呢度嘅好立克係非常出色。皇茶冰室餐牌店內裝修簡約，大大個KING CAFE幾搶眼，座位亦算坐得舒服，整體環境清潔乾淨，店員招呼亦不錯。