無二 (Closed)

疫情之下好耐無行街，上星期同老公都係平日放假，難得條街平日唔太多人，所以就去下IFC行下，嚟到呢間無二餐廳食日本菜。今次叫咗個豚骨雞白湯九州雞肉鍋同另外加左碟熊本豚肉，除咗肉之外仲有麵同蔬菜碗料，個湯好鮮甜同好有雞味，雞肉食落唔柴，肉質幾彈牙好有咬口，其他配料煮完都好好食。之後仲叫左特上海鮮盛，一共有7款刺身，刺身好新鮮一啲腥味都無，蝦好爽口好多膏，海膽入口即融連埋紫菜一齊食，海膽升華左一個層次，大金槍魚南超好食，唔洗點牙已經係口中融化，魚油味好重，值得一試。