惠 (Closed)

星期六同我老公一齊去撐枱腳，食Omakase，就當然要搵一間有質素嘅餐廳試試啦！話說我朋友一聽到我想食，就介紹咗呢間俾我。 餐廳裝修簡潔，帶有濃厚嘅日本風味。坐係吧檯睇住師傅係你面前即叫即整，又係另一種享受。午市套餐有兩款價錢選擇，今日試左壽司十二貫套餐。包括前菜，茶碗蒸，汁物，甜品。靜岡番茄作為前菜，番茄的甜味，配搭適量柚子醋，蒜花，感覺多汁開胃。深海池魚食落口感爽脆嫩滑，肉質帶油份，味道鮮美。大拖羅脂肪比例較高，入口即溶，魚味濃郁。赤貝食落口感爽脆，帶少少貝類獨有的鮮甜味。我同老公很滿意！會再光顧！