西餐大排檔 (Closed)

近期工作太大壓力，經常想食好嘢“慰勞自己”，😂其實係揾籍口放棄減肥😅，所以去番上次食過既“西餐大牌檔”去Enjoy美食一出就見到呢個好靚既招牌，仲會變色的我地揀左個二人餐，頭盤好豐富呀！有生蠔，鮑魚，日本帶子刺身，聖子刺身仲有好新鮮既蝦，生蠔海水味適中，又夠大隻，鮑魚煮得入味，又唔會好韌，我最鐘意聖子刺身，很爽口，彈牙，滿口鮮甜味，加埋其中一款泰式酸辣醬一齊食仲正！個餐仲包兩杯白酒或紅酒，令到氣氛即時變得浪漫黑松露磨菇湯，好香黑松露味，每啖都有好多切成好細粒既磨菇粒，用心之作燒牛脷，好厚身，好大件，但醃得夠入味，熟度啱啱好，夠冧又香口黑松露煮日本年糕，原來黑松露可以同日本年糕咁夾，日本年糕好煙韌呀！香燒牛肉眼，店員推介三至四成熟，最初以為會太生，但入口又唔覺喎，仲好有口感，好鮮嫩燒澳洲羊T骨，一啲都唔覺得羶，半熟啱啱好，保留肉汁，入口juicy最後仲有我鐘意既cheese cake 送㖭！老公話呢個價錢淨係個頭盤都值回票價喎好想下次再食呀！