安利大排檔 (Closed)

經過筲箕灣嘅東大街， 好友就介紹咗呢間《安利大排檔》， 話算係喺筲箕灣比較出名嘅魚蛋粉， 一場嚟到， 竟然畀好耐冇食嘅炸醬麵所吸引。 呢個炸醬麵色澤鮮豔， 食落甜甜酸酸， 不過個人就覺得茄汁味太多。肉絲方面採用瘦肉， 食落唔覺得肥膩。而生麵鹼水味亦唔多， 食完成碗麵都唔會確喉。另外仲嗌咗個鮮油占多， 多士採用咗飛邊嘅厚多士， 麵包夠鬆軟。牛油份量十足， 配埋果jam， 令人就算有罪惡感， 都奮不顧身咁大口大口吃下。總括而言，味道不錯， 價錢成正比。