可可豬海南雞專門店 (寶榮大廈) (Closed)

特色椰香海南雞飯平靚正，份量都幾多。一打開個盒就聞到好香嘅椰子味，味香口感軟熟。海南雞是已起骨的，啖啖肉，但唔知點解隻雞翼起漏左😅肉質嫩滑，好juice，而且一啲都唔肥，食埋雞皮都無罪感🥰🥰驚嘆黑蒜醬燒豬軟骨配白飯豬軟骨炆到好腍、好入味，蒜嘅香味唔止停係肉質上，連軟骨位都一樣入晒味😋可以能係黑蒜嘅關係，比一般蒜香豬軟骨惹味好多👍🏻👍🏻呢個醬汁送飯一流，同白飯真係絶配😍菜芯苗又嫩、又腍蒜泥白肉好爽口彈牙。而且本身豬肉已有少少調味，配埋個蒜泥醬簡直一流。雖然唔算好多片，但份量還可以，因為每片都好大片。五花腩片就咁睇已經見到好靚，雖然白色位置係肥肉部份，但爽口到不得了❤️