Video
Read full review
2021-07-20
518 views
一直Bookmark咗呢間Cafe好耐，佢喺荔枝角一間工廈裡面，前排同Best Friend約到時間就即刻去！Cafe設計以木系為主，睇落簡約，但每個角落都精心佈置過，瀰漫一種寫意嘅氛圍，短短幾個鐘好似去咗一趟日本小旅行咁，好鍾意呢種簡單又雅緻嘅感覺！Cafe細細，座位唔多，基本上可以兩個兩個人咁座，可以靜靜哋食嘢、傾計，而且店主態度好好，出品又有心思，欣賞！🥰一直好想食佢哋嘅焙茶卷蛋，但可惜轉咗新menu，不過唔緊要，我哋決定試晒兩款新出嘅cheese cake慰藉一下無卷蛋食嘅心情😢😎 wingwing.foodfood覺得最特別係「Fat Boy Cake 」🧀，呢個肥仔蛋糕其實係燒芝士蜂蜜蛋糕，聽個名以為係日式芝士蛋糕之類，但完全唔係！食落係鹹香嘅芝士批，少少半溶嘅芝士真係好吸引，食到停唔到口，咁邪惡嘅甜品梗係要同好朋友一齊share啦~ 一邊食呢款，一邊食海鹽焦糖芝士蛋糕仲可以balance返𠻹。呢度除咗咖啡拉花靚，估唔到佢嘅熱朱古力顛覆咗我對熱朱嘅想像！第一次飲好似朱古力布丁咁濃厚嘅熱朱古力，味道勁濃郁，完全係食緊半溶嘅朱古力一樣，wingwing.foodfood推薦各位
一直Bookmark咗呢間Cafe好耐，佢喺荔枝角一間工廈裡面，前排同Best Friend約到時間就即刻去！
Cafe設計以木系為主，睇落簡約，但每個角落都精心佈置過，瀰漫一種寫意嘅氛圍，短短幾個鐘好似去咗一趟日本小旅行咁，好鍾意呢種簡單又雅緻嘅感覺！Cafe細細，座位唔多，基本上可以兩個兩個人咁座，可以靜靜哋食嘢、傾計，而且店主態度好好，出品又有心思，欣賞！🥰
一直好想食佢哋嘅焙茶卷蛋，但可惜轉咗新menu，不過唔緊要，我哋決定試晒兩款新出嘅cheese cake慰藉一下無卷蛋食嘅心情😢😎 wingwing.foodfood覺得最特別係「Fat Boy Cake 」🧀，呢個肥仔蛋糕其實係燒芝士蜂蜜蛋糕，聽個名以為係日式芝士蛋糕之類，但完全唔係！食落係鹹香嘅芝士批，少少半溶嘅芝士真係好吸引，食到停唔到口，咁邪惡嘅甜品梗係要同好朋友一齊share啦~ 一邊食呢款，一邊食海鹽焦糖芝士蛋糕仲可以balance返𠻹。
呢度除咗咖啡拉花靚，估唔到佢嘅熱朱古力顛覆咗我對熱朱嘅想像！第一次飲好似朱古力布丁咁濃厚嘅熱朱古力，味道勁濃郁，完全係食緊半溶嘅朱古力一樣，wingwing.foodfood推薦各位朱古力迷試吓！🍫
Post
