Video
Read full review
2018-06-05
987 views
星期六食晏，我通常都會同Daddy食lunch。今日天氣好熱，又唔知食啲乜，所以爹哋就提議不如去食拉麵。我話：「都好呀！我都未試過喺佐敦嗰頭食拉麵。」當時大概下午1:15。咁爹哋都帶咗去長樂街嘅言居酒屋。如果你未去過長樂街，佢係一條喺彌敦道嘅橫街，就算星期六一點幾人流都唔多。入到餐廳都有四張枱有客人。我聽到廚師(我懷疑係老闆)同埋客人喺度傾計，客人話佢好耐之前已經有幫襯呢個廚師。之後佢個女嚟咗呢頭讀書(相信好大機會係拔萃女書院(小學))，所以佢就你得更多。根據餐廳位置同埋我我偷聽到佢哋講嘢嘅內容，我估計呢間餐廳都主要係做一啲熟客生意，而熟客亦都有幾多。隔咗陣，又有三批人，約莫10個入嚟幫襯。餐廳差唔多滿坐。由於香港依家有數之不盡淨係食拉麵嘅拉麵店，所以老實講，如果想食拉麵，我都會即時諗起去一啲拉麵店度食拉麵，未必會去一啲居酒屋食。店內有兩位廚師/侍應，雖然都好忙，但係我上邊都有提到，佢哋都會同啲客人有傾有講。呢間餐廳晏晝嘅時候都做lunch set。我就叫左一個豬骨湯拉麵set 配左個咖喱飯，加一杯橙汁。Daddy 就冇叫咖喱飯，叫咗個吞拿魚沙律。首先個咖喱飯同埋杯橙汁嚟咗先，咁我就先
由於香港依家有數之不盡淨係食拉麵嘅拉麵店，所以老實講，如果想食拉麵，我都會即時諗起去一啲拉麵店度食拉麵，未必會去一啲居酒屋食。
店內有兩位廚師/侍應，雖然都好忙，但係我上邊都有提到，佢哋都會同啲客人有傾有講。
呢間餐廳晏晝嘅時候都做lunch set。我就叫左一個豬骨湯拉麵set 配左個咖喱飯，加一杯橙汁。Daddy 就冇叫咖喱飯，叫咗個吞拿魚沙律。
首先個咖喱飯同埋杯橙汁嚟咗先，咁我就先食咗個咖喱飯。個飯唔係好大碗，係典型嘅日本咖喱飯，基本上只有咖喱汁同蘿蔔、薯仔。咖喱味都濃，加上日本飯，味道都幾好。
之後，就輪到拉麵啦。個拉麵係傳統北海道式嘅拉麵，麵質比較粗，麵帶黃色。記得我之前最初開始食拉麵都係食呢一種嘅拉麵。不過，自從豚王、一蘭喺香港開咗之後，就掀起左九州拉麵嘅熱潮。依家出去食拉麵其實好多時都係九州拉麵style ，麵比較細條。反而北海道拉麵，而家喺市面上比較少見。
首先試咗個湯，湯個味道都唔錯，比我想像中好，豬骨湯味濃郁。雖然冇好似其他拉麵店咁俾你揀麵嘅軟硬度，但係麵質都唔錯，唔會太林。其實我平均兩個星期都會食一次拉麵，但係可能最近真係比較少食北海道拉麵，所以食完都有個滿足嘅感覺。
之後講下裝修，嗰度們係日本式嘅木門。室內，都係以一啲典型日本style嘅木做牆。店內有啲小擺設點綴，同埋放咗好多居酒屋不可或缺嘅洒。
總結
- 居洒屋食拉麵
- 長樂街人流都唔多
- 廳位估計主要做一啲熟客生意
- 侍應雖然都好忙，但係都會同啲客人有傾有講
- 推介: 咖喱飯，豬骨湯拉麵
- 典型日本style裝修
- 有啲小擺設同埋洒點綴
日式咖喱飯
61 views
0 likes
0 comments
豬骨湯拉麵
34 views
0 likes
0 comments
Post
