爺爺雞煲皇 (Closed)

今日難得放假，就出左元朗探一個好耐無見既中同。雖然我就住黃大仙，出元朗真係哂我唔少時間，由黃大仙站出到去元朗站，粗略估計都有成40分鐘到，不過我同呢個fd以前係中學真係死黨黎，大家上左唔同u之後就好耐無見，所以為左佢咁遠水路出黎都係值得既。 我地就約左6點半係元朗站等，話去食新野，就撘架小巴(後尾先知係604)撘左一陣就到站，再行多幾分鐘。原來佢帶我黎食呢間爺爺雞煲皇。 一入到去都算多人，我同個fd坐低無耐就有waiter行黎問我地食咩，我地話第一次黎, 佢就介紹我地食個招牌雞煲，我地話好佢就幫我地落單, 都幾好態度下。 雞煲黎之前個waiter就俾左d配料我地，之前食開果d全部都要自己出去拎。傾傾下中學d搞笑野同 _ 野之後，個雞煲好快就黎左，真係好香！聞聞下已經覺得好肚餓忍唔住就起動。雖然我同個fd都麻麻地食得辣，但係個雞煲真係好好食，個雞煲又麻又辣，但係我地覺得好鬼正，夾完一舊又一舊，食到個咀都紅哂。之前試過係其他地方食雞煲，雞煲面頭果浸都無乜野，唔知點解入面果浸既雞就成舊膠咁，咬極都咬唔開(PS 沙田富臨。。。)，呢度d雞就無咁既事，而且都幾嫩口。同埋個雞煲都真係好大鍋下，食完