Video
Read full review
2009-09-09
84 views
去左一間無食物質素，無服務質素既餐廳呢日係我同女朋友慶祝週年，去完尖沙咀後上黎山頂，本來諗住返尖沙咀，但太頻撲，於是就留係山頂食，入到去，由睇menu到貼菜，一路都相安無事，但慢慢就出事：服務方面：可能我地坐既係路口，經常有staff行黎行去，一個著直間恤衫，好似高級少少，半地中海髮形既職員，用好大聲既口吻同身邊既staff講野，內容我好清楚記得地中海店員話:喂阿XXX(指住靠窗既一張台)倒一杯暖水比呢台其中一個"鬼佬"，另一台又係成班鬼果台要.....，啦啦聲去！一間咁專業既餐廳，居然人前人後大大聲聲用個"鬼"字黎形容外國人，同我地形容內地人做大陸喱有咩分別？叫佢埋單，佢一句得埋黎話:得，等一陣。 (做服務性行業，可唔可以多少少運用"請問"、"唔該"、"麻煩你"一類既說話呢？簽卡既時候，同佢講：請問可唔可以幫我地影張相？(因為本身都食得唔開心，預左會上黎寫食評，所以客客氣氣比多次機會佢。)佢又一句得埋黎，聲量重大到連隔離台都望埋過黎：地中海店員話：得，轉頭幫你(佢既語氣話比我知，我而家都未搞掂手頭上既野，你重叫我做野！你無野呀？)佢比返張卡我之後，去左隔離台，送下菜，收下碟，先施施然
呢日係我同女朋友慶祝週年，去完尖沙咀後上黎山頂，本來諗住返尖沙咀，但太頻撲，於是就留係山頂食，入到去，由睇menu到貼菜，一路都相安無事，但慢慢就出事：
服務方面：
可能我地坐既係路口，經常有staff行黎行去，一個著直間恤衫，好似高級少少，半地中海髮形既職員，用好大聲既口吻同身邊既staff講野，內容我好清楚記得
地中海店員話:喂阿XXX(指住靠窗既一張台)倒一杯暖水比呢台其中一個"鬼佬"，另一台又係成班鬼果台要.....，啦啦聲去！
一間咁專業既餐廳，居然人前人後大大聲聲用個"鬼"字黎形容外國人，同我地形容內地人做大陸喱有咩分別？
叫佢埋單，佢一句得埋黎話:得，等一陣。 (做服務性行業，可唔可以多少少運用"請問"、"唔該"、"麻煩你"一類既說話呢？
簽卡既時候，同佢講：請問可唔可以幫我地影張相？(因為本身都食得唔開心，預左會上黎寫食評，所以客客氣氣比多次機會佢。)佢又一句得埋黎，聲量重大到連隔離台都望埋過黎：
地中海店員話：得，轉頭幫你(佢既語氣話比我知，我而家都未搞掂手頭上既野，你重叫我做野！你無野呀？)
佢比返張卡我之後，去左隔離台，送下菜，收下碟，先施施然幫我影，影完即刻比返部相機我就即刻跑左去，驚我覺得影得唔好再叫佢影過咁。張相影左出黎，個人得粒豆咁細，連同out focus左，我部單境機，開埋閃燈，佢頭手遮住個閃燈，張相有個黑影，真係thanks 呢位咁有heart既staff。
食物：
叫左個seafood platter，係全個menu最貴既菜，但亦都令人相當失望。
先講下隻"花蟹"，menu寫Alaskan crab，上台既竟然係既"花蟹"，嚴格黎講係一隻好細既"水蟹"，我夠膽講，呢隻蟹係街市最多只值$10蚊。
另外上面有大概10隻蠔，每隻大概係兩個五蚊銀咁大既蠔。粒肉細到食唔到有味。
重有大概5、6粒"車厘蜆"完全無肉，唔知食緊咩！
5、6隻龍蝦仔，鹹到食唔到。
蝦同扇貝無咩特別。
開頭以為個platter好大，臨時cut左個沙律，但食完後發覺跟本成盤都係殼黎。
落單既時候重加左個意粉，我認為意粉屋會好過佢。
總結，埋呢858蚊，如果我地臨涯立馬，返尖咀食，我相信去一間普普通通既buffet，例如話九龍酒店既倚窗閣，美麗華對面既yamn，再唔係Todai，再唔係過對面既Pearl，我相信我地會慶祝得開心d，慶祝兩個人既特別日子，我唔介意拎一二千蚊黎食一餐，只係睇你有無本事賺我，但呢間餐廳我比500，已經覺得太多，亦因為當日係我同女朋友既anniversary，我唔想破壞個氣氛，更加唔想影響到隔離既食客，所以面對呢種服務質素，我只有欣然接受，我公司都有外聘服務評審機構，去評核自己公司既員工服務質素，我唔知呢間餐廳有無，但如果有，佢會係有史以黎最低份，亦因為呢間餐廳有呢種員工，令峰景餐廳，一間本地如此有名既餐廳，被給予如此劣評，本人強列建議 貴公司應再次給予員工再陪訓，好好學習下點樣控制eq，好讓一心黎慶祝節日既朋友，唔會被呢種害群之馬破壞整間餐廳既聲譽。
Post
