東寶小館 (Moved) New Location

友人話識東寶啲人，所以由佢打去訂位兼訂名菜『風沙雞』。一行七人，餸菜由友人們發板。一上到去，部分友人已經到咗喇。坐低咗一陣，見有個侍應狂與友人『吹水』，一講就講咗十分鐘。之後啲餸菜，食完一樣就要等勁耐至上另外一樣。等到第三樣餸，之前果位過嚟『吹水』嘅侍應又再過嚟『吹咗一輪水』，之後就走咗。友人見個『風沙雞』仲未到就搵番果個侍應嚟問，果位人兄一過到嚟，人地問乜佢都根本冇心聽，只係掛住大大聲聲咁講埋啲廢話，之後我朋友就拉開咗佢好認真咁問佢個餸幾時得。友人後來返到嚟坐低就同我地講，個『風沙雞』賣哂喇喎！妖... 真係勁掃興。之後我同友人講，如果唔係條友掛住吹水就唔會將我地訂咗果份俾咗人啦！佢點做嘢咖？友人答我話果個唔係伙計，係老闆嚟咖！之後我咪話囉，老闆又如何呀？老闆就可以得失客人咖喇？！總括嚟講，啲嘢真係唔好食，唯獨得個炒蟶子係最好，其他嘢食，一係就太乾，一係就太喊，一係就淡而無味，而且仲要收咁貴添。環境嘈都唔緊要，最主要係你呀老闆，響人耳邊講嘢大大聲聲，真係搞到我頭都暈呀！