Video
Read full review
2018-10-16
756 views
老實講 自開account以黎我都從未打過劣評 本身開呢個account嘅宗旨係希望介紹多d好食嘅餐廳 （特別係小店）俾大家去發掘 不過今次真係要開齋喇呢日女朋友仔突登係大埔接我放工 咁就梗係諗住帶佢喺大埔食野啦 大埔出名多野食嘛天氣又開始轉涼 咁咪一於試下我地兩個都冇食過嘅陳漢記煲仔飯 講到咁出名加上煲仔飯係一樣好考功夫嘅野食黎 一於去試下 六點去到其實已經要等位都真係幾誇張 不過既然黎到同埋果陣都係等四張枱 咁都可以等下嘅好似等左唔夠半個鐘 都有位咁其實間鋪都唔算細嘅 但我覺得佢想加快運轉速度應該喺排隊果陣問定食咩 咁可以開始整個煲仔飯 始終煲仔飯都要時間 但諗諗下可能佢真係想達到即叫即煮 真係確保煮得啱啱好果陣可以上枱俾客人掛所以都冇咩理到呢個問題 咁叫左份腸粉同一個煲仔飯（女朋友仔飽飽地所以唔叫太多）咁好快佢就上左份豉油 都估到應該係等陣淋落煲仔飯到嘅豉油 所以即刻攞筷子點下試味點知中伏嘅節奏就開始奏起個豉油得個咸字 冇煲仔飯豉油應有嘅甜味 都開始feel到奶奶到野 都算啦 可能係呢到嘅特別配方 同個飯好match呢 咁咪繼續期待下先囉一開始好快就黎左腸粉 賣相都幾好 呢個係鮮
呢日女朋友仔突登係大埔接我放工 咁就梗係諗住帶佢喺大埔食野啦 大埔出名多野食嘛天氣又開始轉涼 咁咪一於試下我地兩個都冇食過嘅陳漢記煲仔飯 講到咁出名加上煲仔飯係一樣好考功夫嘅野食黎 一於去試下 六點去到其實已經要等位都真係幾誇張 不過既然黎到同埋果陣都係等四張枱 咁都可以等下嘅
好似等左唔夠半個鐘 都有位咁其實間鋪都唔算細嘅 但我覺得佢想加快運轉速度應該喺排隊果陣問定食咩 咁可以開始整個煲仔飯 始終煲仔飯都要時間 但諗諗下可能佢真係想達到即叫即煮 真係確保煮得啱啱好果陣可以上枱俾客人掛所以都冇咩理到呢個問題 咁叫左份腸粉同一個煲仔飯（女朋友仔飽飽地所以唔叫太多）咁好快佢就上左份豉油 都估到應該係等陣淋落煲仔飯到嘅豉油 所以即刻攞筷子點下試味點知中伏嘅節奏就開始奏起個豉油得個咸字 冇煲仔飯豉油應有嘅甜味 都開始feel到奶奶到野 都算啦 可能係呢到嘅特別配方 同個飯好match呢 咁咪繼續期待下先囉
一開始好快就黎左腸粉 賣相都幾好 呢個係鮮蝦拼魚片腸 價錢都合理嘅 好似廿幾蚊 雙拼貴少少 食落皮薄幼滑 都屬於幾高質嘅腸粉皮 餡嘅鮮蝦都鮮甜彈牙不過就少左d 魚片用左鯇魚片 食落冇泥味都係新鮮野 不過敗筆位都係豉油 亦係偏咸果隻 令你反而好想走豉油 但好味嘅豉油會令腸粉味道提升 特別係蝦腸 但呢到做唔到 反而搞到冇咁好味 但單講腸粉係真心唔錯
呢杯涼粉椰汁杯細細杯都要廿蚊 貴左少少啦 但都可以接受 雖然唔環保但覺得涼粉冰應該要配粗飲筒先啱 另外椰汁冇咩椰味 感覺上開到好稀
主角來了 我地叫左黃鱔白鱔飯 煲仔飯要整得好食 用嘅材料一定要靚啦 叫鱔本身已經係穩陣之選 因為鱔生命力強 唔會好似其他魚咁一死左就搞到d肉霉曬（不過叫鱔都係因為自己鐘意食）用嘅米都係好重要 除左材料同米，豉油 爐頭 火力 時間 落水份量 全部都要控制得好 咁樣先整得一碗好食嘅煲仔飯
其實呢碗煲仔飯個賣相係幾好 而且入店之前我都“目及”個廚房 爐頭火力都幾夠猛 不過睇唔到用嘅係咩爐 但應該唔係炭爐 係gas爐黎都算啦 炭火燒唔係間間做到
不過都expect個飯應該幾得 雖然豉油就咁食都已經唔好食不過照落啦 睇下會唔會有咩意外驚喜 落完開始撈已經知出事 d飯咁濕嘅 心諗唔掂wo 我地已經唔係一上枱就即刻開蓋搞佢 都俾左大約三至四分鐘時間俾佢做最後嘅“收水”但都可以咁濕真係唔得 味道方面鱔係真係唔錯 無論白鱔同黃鱔都係咁彈牙有魚油香 不過鱔唔煮得過火得好誇張 都唔會唔好食 所以煲仔飯嘅鱔好食唔需要額外加分 係應該嘅
不過飯真係敗筆 唔夠乾身唔得粒粒分明已經係煲仔飯嘅死罪 亦因為咁逼唔到米香出黎 我坐個位咁啱望到佢個生米倉 用透明袋裝住 睇落唔似劣質米 都係靚野黎 所以米香唔應該冇 真係煮嘅技巧出左事 不過咁 米唔夠香都仲可以靠豉油搭救 個豉油真係......做唔到真係同一開始試味一樣 得個咸字 喂大佬想點呀 煲仔飯豉油wo我唔係要生抽呀大佬
唉 都唔知點講 呢個煲仔飯嘅靈魂冇左得番個殼（啫係賣相）老實講 唔係話好難食 但真係失望 以一間咁出名食煲仔飯日日排隊嘅店黎講 真心唔應該咁 佢嘅水平大約係一間普通酒樓嘅煲仔飯咁一樣平平無奇 搵日要去番廟街食番d好味嘅煲仔飯先得
Post
