星級扒房 (Closed)

星期一晚上， 在旺角同男友尋覓食晚飯的地點，去到廣華街，滿心歡喜見到一間食西餐餐廳 "星級扒房 Starry Steakhouse"，見到價錢唔太貴，於是就上去試一下！自助沙律吧半自助頭盤主要有沙律吧（菠蘿、哈蜜瓜、西瓜、腰豆、粟米、蔬菜）、螺絲粉沙律、蒜蓉包、薯條無限添食。我同男友點了1.5小時半自助牛扒晚餐 (兩客特級西冷牛扒) $138，仲有半自助頭盤任食、餐湯、飲品和甜品。餐湯是日有磨菇湯和羅宋湯，羅宋湯味道好有蕃茄味，而且有點雜菜在湯裡面，磨菇湯夠濃，好重磨菇味同Creamy，蒜蓉包反而跟湯上會脆，好過出面選半自助頭盤的蒜蓉包，但點湯亦是不錯的。到主菜特級西冷牛扒，男友點五成熟，而我就七成熟 ，雖然是充滿好香炭燒的香味，但是好可惜，我們食落去就一起講好"un"呀，食到中段已經唔想食塊牛扒，反而薯蓉好軟滑同蕃茄粟米好美味，估不到配菜好食過主菜 ><！最後甜品是木槺布甸，比較甜但是味道可以接受！