新竹園軒

Open Now

Now Closed

親戚聚會，個個都鍾意食中菜，見OpenRice評價唔錯，即管一試，結果嘢食一般，普通酒樓質素，唯獨果皮鮑魚特別難食，硬、韌、冇味道，裙邊硬到咬唔開。另外，唔知係咪因為睇唔起我哋嗌最平嘅套餐，經理怠慢寸嘴，人齊冇人問我哋係咪需要起菜，套餐包汽水紅酒，食到一半都冇人問我哋飲咩，食到尾聲又係我哋主動詢問有咩甜品，連叫埋單都冇咗件事，等咗10分鐘叫第二次先有人幫我哋埋單，所有親戚都唔滿意佢哋嘅服務態度。六千幾蚊一圍，唔係好貴，但我相信如果喺其他地方食，可以有更好嘅服務同埋食物質素。