春水堂 (希慎廣場) (Closed)

作為珍珠奶茶die hard fans, 每逢見到有珍珠奶茶嘅地方，都忍唔住要買返杯🤤.自從春水堂喺香港開咗店，已經幫襯過好多次，因為佢地嘅珍珠奶茶真係好好飲呀😍今日路經希慎見到呢昌開咗無耐嘅春水堂，又去食吓先 ! .佢地珍珠奶茶唔會一陣奶精味，奶茶茶底濃度、甜度啱啱好，飲落首先感受到奶茶嘅香滑，然後淡淡嘅茶香慢慢飄出嚟，加上有咬口、甜度剛剛好嘅珍珠，完美💯.除咗飲品，仲食咗小食同魯肉飯，個人大推甘梅地瓜同鹽酥杏鮑菇，充滿台灣嘅味道! 魯肉飯亦係必食之一，魯肉肥瘦比例適中，食落有油香，配合粒粒分明嘅白飯，而家諗起都想再食呀!