莆田 (美麗華廣場2期) (Closed)

去到尖沙咀，行到攰想食嘢，結果去咗美麗華度食莆田。門口好多人排隊，好彩有訂位，同埋早少少食，唔係就真係等好耐啦。我地一入到去，睇一睇餐牌，發覺有好多嘢揀，包括呢排係地鐵、巴士賣行廣告嘅蟶霸198兩食套餐。蟶霸198套餐，我地就點咗個冰爽酒槽蟶子+用紅菇鮮蟶湯來食。冰爽蟶子，酒味濃，而且又爽口，夏天食就真係一流啦。聖子仲大大隻之於個蟶子湯，味道都算唔錯啦，夠鮮味。另外，我地仲咗興化炒米粉、莆田荔枝肉、冰浸苦瓜、莆田扁肉湯。炒米粉味道唔錯，因為米粉幼身關係，食落去口感幾好。仲炒到好香荔枝肉味道唔錯，大大粒。姑撈肉咁，仲炸到脆口。冰浸苦瓜，雖然我仲好後生，未識欣賞苦瓜嘅偉大，但佢有加返蜜糖比人點，簡直就係一個助人入口嘅選擇。食完個咕嚕肉，再食苦瓜真係好下火扁肉湯呢，感覺似細雲吞湯，而且加埋醋落去，十分好味開胃。