春水堂人文茶館 (創紀之城五期(apm))

Open Now

Now Closed

台灣過江龍春水堂除左賣台式飲品外，仲踩過界係觀塘開餐廳！😍舖頭好大，但出面都有條長長人龍，可想而知幾受歡迎！.🥛珍珠鐵觀音奶茶 $34 (5/5)作為台柱，依杯奶茶實在當之無愧！比起其他台式飲品店奶茶，依杯無咁甜，茶香濃過奶香好多！面頭有層好滑嘅泡，再加上珍珠，perfect match! 😍🐤黃金香酥雞 $48 (4.5/5)炸雞係一口size，一口一件，食得十分過癮！香脆但又唔油膩，加上面頭嘅楜椒香，真係肥到抵！🤩.🍚魯肉飯 小碗 $28 (4/5)咪睇佢細細碗，其實份量不少(個碗都深😱），加埋其他小菜食，真係好飽!! 魯肉十分入味，肥瘦適中，一啖白飯，一啖肉，真係好幸福🥰🍜麻辣牛肉麵 半筋半肉 $78 (3.5/5)食落口無乜麻辣，牛肉都好腍幾入味，不過個人中意食厚身啲嘅牛腩牛筋，依個就薄左啲！湯頭都可以濃哊啲😌🐂麻辣涼拌牛肚絲 $38 (4.5/5)依個有驚喜！🤩十分麻辣，牛肚絲幼切，食落爽口入味，十分推薦！送飯一流！ 招牌豆干$33 (2.5/5)以為係鹵豆干，點知係豆干上加入好濃好杰嘅醬，唔知溝左咩(紫蘇葉已經夠搶)，我覺得太濃，蓋左豆干嘅香😖唔啱我！