康瑞涼茶 (Closed)

原有既舊店搬位搬左去呢度，店舖未搬戈陣已經好想試呢間，相信系街知巷聞既一間涼茶&甜品店，店舖名雖然系「康瑞涼茶」，但最出名嘅竟然唔係涼茶，而係佢賣嘅甜品。天氣熱到一個極點，位置吾近地鐵站，行過去要少少時間，不過試完就會覺得山長水遠行到去都系值既，要簡單描述點去，就係西九龍中心正門出嚟，轉右行一陣再一路向左直行。一叫就當然叫佢最出名既特式仙草百配，好快就黎左，芋圓同地瓜圓都好煙韌，地瓜圓食落去仲食到啲地瓜蓉仲有仙草、小丸子、薏米、西米、紅豆，第1次食仙草，個味似涼粉haha，軟林林再加埋其他配料都幾好食 ，買相都好靚，$25確實抵食呀。P.s. 開頭仲以為呢啲傳統老店會好熱，跟住行到成身汗已經好絕望⋯⋯但原來店內嘅冷氣係十分充足。