Video
Read full review
2017-01-21
2083 views
三多炸肶不嬲都幾聞名 雖然成日聽到佢既大名 但食就真係未食過～近排好似開多左好多分店 朋友都話想去朝聖 睇下係咪真係傳說中咁好食～ 嗰日經過紅磡既分店 緊係要入去試下😋紅磡分店係一間小型既餐廳 入面有幾張高枱 配埋一張張別緻既小木櫈☺餐廳裡面仲有唔少食物同埋飲品既宣傳～下面見到既爆檸同埋柯檸 原來係爆珠檸檬紅茶同埋橙汁smoothie 啲名夠曬有新意～我地首先點左兩杯爆檸 我同朋友都不約而同地想試下啲爆珠同埋呢到既檸檬紅茶🍸好香既檸檬味配埋甘甜既紅茶 非常解渴～入面既爆珠口感好得意 佢既外皮薄得黎 又有韌度 我同朋友一邊食一邊飲😋主菜方面真係令人好花多眼亂 我地對餐牌上面既野食全部都好有興趣 全部都想試 奈何體重既quota有限 我地唯有揀啲自己中意既黎試因爲我朋友唔係好識睇中文 店員好貼心地俾左個英文餐牌俾我地慢慢睇～我地爭扎左好耐之後 點左招牌必食既三多炸脾🍗 唔係誇張 呢隻炸雞脾大過我兩隻手掌加埋既大細✋🏼✋🏼新鮮滾熱辣 餐廳店員服務態度好好～為左防止太油同埋太熨手 佢為我地提供左膠手套。呢隻雞脾真係好正 個皮好香脆 入面啲雞肉鮮嫩多汁 一路食啲汁一路流 去得三多一定要試下呢隻雞
紅磡分店係一間小型既餐廳 入面有幾張高枱 配埋一張張別緻既小木櫈☺餐廳裡面仲有唔少食物同埋飲品既宣傳～下面見到既爆檸同埋柯檸 原來係爆珠檸檬紅茶同埋橙汁smoothie 啲名夠曬有新意～
我地首先點左兩杯爆檸 我同朋友都不約而同地想試下啲爆珠同埋呢到既檸檬紅茶🍸好香既檸檬味配埋甘甜既紅茶 非常解渴～入面既爆珠口感好得意 佢既外皮薄得黎 又有韌度 我同朋友一邊食一邊飲😋
主菜方面真係令人好花多眼亂 我地對餐牌上面既野食全部都好有興趣 全部都想試 奈何體重既quota有限 我地唯有揀啲自己中意既黎試因爲我朋友唔係好識睇中文 店員好貼心地俾左個英文餐牌俾我地慢慢睇～
我地爭扎左好耐之後 點左招牌必食既三多炸脾🍗 唔係誇張 呢隻炸雞脾大過我兩隻手掌加埋既大細✋🏼✋🏼新鮮滾熱辣 餐廳店員服務態度好好～為左防止太油同埋太熨手 佢為我地提供左膠手套。呢隻雞脾真係好正 個皮好香脆 入面啲雞肉鮮嫩多汁 一路食啲汁一路流 去得三多一定要試下呢隻雞脾 又大隻又滋味😋
食完雞脾只係開左個頭 食慾大開 我地點左炸墨魚球 呢個好好食 我同朋友都推介呢道小食～墨魚本身好彈牙好香口 再加上微微炸過既外皮 口感同味道都一流 我個人本身都好中意食墨魚丸 呢碟合曬我心意 我地都encore左一次🍢😋
我地亦都點左豉油炒雞軟骨 因為係餐廳推介既菜式 咁就緊係要試下啦～啲雞軟骨好爽口 味道咸淡適宜 帶點豉油既香味 又有啲似小炒王既味道 好香口好有鍋氣～而且雞軟骨唔會食到好多肥肉 味道好好☺
我朋友話想充飢 要食啲麵落肚😂 其實我地都幾大食 又叫左一份沙嗲豬頸肉撈麵🍜 賣相好吸引 未食已經俾佢啲沙嗲香味搞到流曬口水💦豬頸肉好腍好juicy 香濃既沙嗲味滿佈整個撈麵 絕對係充飢既好選擇👍🏼
我地encore 墨魚丸既時候 又好貪食地點左腐皮炸蝦同埋豬肉丸 大廚將三種食埋擺埋一齊 好似煎釀三寶咁～🍢三樣食物入面 豬肉丸最香口 包住蝦既腐皮亦都係我既至愛 但我個人都係對墨魚丸情有獨鍾 因為佢配埋既甜酸醬真係好惹味～ ☺
最後由於真係好飽既關係 我地點左一份腸粉兩個人share 我地叫左辣炒腸粉～我地兩個本身都算食到辣 平時食米線都會叫五小辣 但完全冇諗過呢個真係辣到咁 我地邊食邊流眼水 但仍然食唔停口😂 炒腸粉今時今日已經買少見少 難得喺呢到食到咁嫩滑咁惹味既炒腸粉 真係好滿足～小小既建議 唔食得辣既人 可以點豉油炒腸粉 應該更加可以試到腸粉細滑既口感😋
實不相瞞 由於腸粉太辣 我地追加左一個柯檸黎對抗辣味～不過其實太辣係藉口 實情係大食既我地想有更多味覺既享受啫😂👅柯檸真係第一次聽 見識太少 聞到香濃既橙味個陣有啲雀躍 因為我最中意飲橙汁 冇諗過可以試到咁香橙味既smoothie! 🍊🍸啲沙冰非常細滑 入口即溶 值得大家一試😋
整體黎講 食物質素俾我想像中更好～食材新鮮 烹調方法都好多樣化～ 最中意就係店員既耐性同埋貼心 下次經過要再大吃一頓
Post
