李家 (筲箕灣道) (Closed)

人氣韓式料理烤雞店喺筲箕灣都有，中午仲可以約朋友大吃一餐😆 店內裝飾好有韓國🇰🇷特色，仲播住韓國節目、韓國歌，好有氣氛🎊 餐廳樓底高，仲有戶外座，空間感高，座位寬敞舒適。粟米烤雞 （半） $118醬油烤雞 （半）$98招牌烤雞款式好多，要花時間揀😆，可以叫半份，人少少都可以試多啲口味。 粟米烤雞外層脆卜卜，香中帶微甜，肉質嫩滑。伴有麥片、烤粟米🌽，好豐富😍而醬油雞就好唔同，皮微脆但味道香濃，雞肉嫩得嚟仲有好香嘅醬油味，多汁，非常惹味。牛雜湯 $168依家天氣最啱整碗熱辣辣🔥嘅湯，仲要係牛雜，夠哂補身😉 湯都辣辣地，不過飲落好爽，材料好多，有多種牛雜，又入味😋Rainbow Soda 薰衣草 $38色彩繽紛嘅梳打特飲有好多口味，揀咗薰衣草💜，唔太甜，有淡淡薰衣草香，夠清新🌿