Video
Read full review
2022-08-08
189 views
朋友知道我鍾意食酸菜魚話帶我嚟811食吓😉 除咗呢間銅鑼灣分店 原來旺角都有分店㗎😮 地點真係夠晒就腳方便必食冷鍋酸菜魚首先想講酸菜魚真係好大煲🐟 我地嗌咗小辣 可以酸味同埋辣味都試吓佢😝 魚片好嫩滑 而且冇骨 呢樣嘢真係對食魚嘅愛好者來講好重要❗️因為可以啖啖肉 唔使驚哽親 底下仲有水晶薯粉 芽菜 酸菜 金菇 萵筍 上碟時店員有問我地要唔要白飯🍚 真係好彩冇嗌 因為食完呢煲酸菜魚已經好飽😂 個湯底都唔錯 唔會太酸 同埋有淡淡嘅胡椒味 辣味方面冇食到花椒就唔係好辣 有一下唔小心咬開咗粒花椒 即刻有啲刺麻嘅感覺🥵麻辣牛𦟌見今次嗌咗酸菜魚 但係本身我都好鍾意食辣 所以想試吓佢個小食麻辣牛𦟌😺 牛𦟌份量都幾多 我哋同樣嗌咗小辣🌶 但係相對個酸菜魚呢一個就辣好多🫢 而且醃得好入味 又製作得好軟身 中間嘅透明部份係牛筋 亦都唔會好韌🐮 整體都幾唔錯荔枝沙冰見到呢度嘅飲品種類都幾多 個人覺得荔枝沙冰比較少見 所以嗌咗杯嚟試吓佢🥤味道唔會太甜 而且啱晒食完辣野飲返啖 解解辣☀️不得不提嘅喺呢度店員服務幾好 令到我會有衝動下次再嚟😎 食物好 服務又好 真係幾唔錯💛 我見7點零鐘已經好多人入座 有興趣嚟嘅朋
朋友知道我鍾意食酸菜魚話帶我嚟811食吓😉 除咗呢間銅鑼灣分店 原來旺角都有分店㗎😮 地點真係夠晒就腳方便
必食冷鍋酸菜魚
首先想講酸菜魚真係好大煲🐟 我地嗌咗小辣 可以酸味同埋辣味都試吓佢😝 魚片好嫩滑 而且冇骨 呢樣嘢真係對食魚嘅愛好者來講好重要❗️因為可以啖啖肉 唔使驚哽親 底下仲有水晶薯粉 芽菜 酸菜 金菇 萵筍 上碟時店員有問我地要唔要白飯🍚 真係好彩冇嗌 因為食完呢煲酸菜魚已經好飽😂 個湯底都唔錯 唔會太酸 同埋有淡淡嘅胡椒味 辣味方面冇食到花椒就唔係好辣 有一下唔小心咬開咗粒花椒 即刻有啲刺麻嘅感覺🥵
麻辣牛𦟌
見今次嗌咗酸菜魚 但係本身我都好鍾意食辣 所以想試吓佢個小食麻辣牛𦟌😺 牛𦟌份量都幾多 我哋同樣嗌咗小辣🌶 但係相對個酸菜魚呢一個就辣好多🫢 而且醃得好入味 又製作得好軟身 中間嘅透明部份係牛筋 亦都唔會好韌🐮 整體都幾唔錯
荔枝沙冰
見到呢度嘅飲品種類都幾多 個人覺得荔枝沙冰比較少見 所以嗌咗杯嚟試吓佢🥤味道唔會太甜 而且啱晒食完辣野飲返啖 解解辣☀️
不得不提嘅喺呢度店員服務幾好 令到我會有衝動下次再嚟😎 食物好 服務又好 真係幾唔錯💛 我見7點零鐘已經好多人入座 有興趣嚟嘅朋友最好就先訂位啦😝
Post
