饑落亭 (Closed)

曾幾何時跟同事去過石門京瑞廣場分店，晚飯時段必定座無虛席，即使book左位都要等收到風大埔開左新舖，終於難得一次唔洗排隊walk in直入。座位比舊舖闊絡，往時坐冬菇亭只能靠風扇通風，時至今日雖然轉左室內，光猛左又有冷氣，但仍然保留到昔日大排檔風味。難以忘懷既WASABI手撕雞，原先清淡既手撕雞加入芥末，入口唔覺，吞嚥後後勁十足，攻鼻又刺激。雞絲、火腿、海蜇三種不同口感既完美配合，一大撮夾入口同時食到爽脆鮮嫩又紮實，層次豐富充實同樣係WASABI，但味道卻完全不同。蝦球裹上生粉炸得薄而鬆脆，沙拉醬混合芥末，反而調配得香甜可口，無一貫既刺鼻，蘸上醬汁除去油膩感，更易入口。蒸生蠔可選擇薑蔥/豉汁/蒜蓉三種煮法。蠔收水後唔算大隻，但入口不腥，以薑蔥同豉汁蒸煮而成，食落有啲似蒸魚，鹹中帶甜。以兩種辣椒製成，酸甜苦辣兼備，味道鮮明豐富，令人百感交集。倉魚經半煎炸，除主骨以外魚皮魚鰭以及細骨都非常香脆，肉質卻依舊鮮嫩無任何過火表面以刀劃開再煮，每一滴醬汁都充分滲入魚身中，非常惹味。