堅信號上海生煎皇 (形點 II)

Open Now

Now Closed

復活節假期就嚟去到尾聲，當然要把握時間繼續吃喝玩樂啦！今日踩完單車，就過嚟yoho食嘢，見到堅信號好想食生煎包⋯呢度有自助式點餐服務，可以掃QR code落單，既方便又環保。今次我哋點咗堅信號生煎包（四個）、灌湯小籠包（四個）、堅信嘅秘製豬扒菜飯、外婆紅燒肉同埋2罐雀巢檸檬茶。呢度個招牌生煎包真係無得輸，每次嚟都係必食之選！咬落去肉汁豐富，而且肉汁鮮味香濃，包底煎得乾身脆口，食落好有層次，十分出色！建議先咬一細口，再慢慢啜d肉汁，慢慢品嚐，咁就可以減少燙到嘅機會。灌湯小籠包亦係不錯之選，皮薄餡鮮，而且好juicy。至於個豬扒菜飯，塊豬扒好腍唔柴皮，唔係出面嗰啲因為醃得好勁嘅關係而冇晒肉味，而且佢味道偏甜，食落有少少似叉燒，配上菜飯都唔錯。最後到紅燒肉，五花腩肥瘦比例非常好，而且炆得好入味，加上秘製外婆汁，餸飯一流！總括而言，呢度嘅出品無論價錢味道都唔錯，而且亦無加一服務費，值得推介！