星味工房 海南雞專門店 (Closed)

今日食左個好好味既海南雞飯。身為一個海南雞飯fans。對食海南雞都有少少心得。今日經過呢間餐廳，被佢個海報標題吸引。得過獎既海南雞飯，唔係唔食呀嘛。叫左個全腿海南雞飯。雞腿去曬骨。食左一啖雞肉，好滑好有口感。雞肉好彈牙，無加醬料味道已經好夠。真係超好食。有三種唔同既醬料可以點雞。食海南雞最鍾意就係有呢個黑醬油。東南亞地方先普遍既醬油，又食到呢真黑醬油既香味。好正！呢個海南雞既飯比出邊食過既較特別。飯好香，但唔油。飯可以整到個口感乾身彈牙，真係有心思既。食完真係覺得名不虛傳。仲加左自己特色。擺左木耳係海南雞側邊。有返少少自己特色。酸辣木耳好開胃爽口。所有野都配搭得好。不過最重要都係雞肉。彈牙既肉質一定過過冷河，呢個海南雞質感好難忘！叫埋個麥皮香蕉。第一次食麥皮香蕉。味道幾得意。麥皮上邊有少少辣粉，甜得黎又開胃。呢個小食幾過癮。少少既芝麻香同麥皮同香蕉夾得唔錯！夏天再黎個紅豆冰。紅豆冰唔單止落左奶，椰子既香味都好濃郁。加埋超多紅豆，跟餐叫又唔貴，抵飲！餐廳細細間出邊睇落無乜特別，入去食左先知係會高潮既！