名館 (Closed)

黃埔美食坊有好多好嘢食可以選擇，今日就試咗呢間名館，原來好多區都有分店，裏邊真係包羅萬有！有蔬菜、點心、海鮮、焗飯小菜等等而且佢啲小菜全部都別出心裁。首先我叫咗個前菜，係雲南涼拌貓耳朵，酸酸甜甜口感不錯，而且雲耳好爽口，係涼菜嘅好選擇，用耳朵象徵木耳，真係令人吃上癮！最開心係可以飲湯，平時出邊啲湯都多味精，但係佢而家係燉出嚟，所以功力十足。分別飲咗佢個糖心黑蒜燉響螺同埋姫松茸花膠，黑蒜燉湯真係一大大粒黑蒜，聽講黑蒜係好補身每日可以食一粒，而且花膠燉湯都好足料，食落去好有藥材味，燉響螺湯就好有螺肉味，而且好有鮮味。蜂蜜柚子蝦球用咗好多有柚子醬，成個蝦球包滿著，而且仲有幾片嘅青檸做點綴，令到成件事望落去好清新，黃金顏色嘅表面更添胃口。