麵麵 (Closed)

同事好耐之前推薦過，今晚路過太子，終於可以試一試，果然名不虛傳呀！晚市套餐價錢大概一百元有找，已經包括一碗魚湯料理，前菜及飲品。魚湯料理可以選魚麵，魚烏冬或者稻庭烏冬；而湯底可以揀花膠濃魚湯或魚香麻辣湯。魚之戀濃湯魚麵 $72呢個堅好食，一望落已經見到好多料，好開心。首先魚湯夠濃，而且仲好多餸，有魚腐、魚春卷、墨魚春卷、魚蛋、魚皮餃同魚角，加上魚麵，今餐簡直同魚有仇。跟魚麵仲有三色小食，分別有柚子蘿蔔、小甜薯同麻醬海帶，都幾有心思幾特別架。薑汁燒鰻魚魚湯料理 $98朋友係鰻魚精，所以佢揀左鰻魚魚湯烏冬。感覺上冇我既魚之戀咁豐盛。不過佢話鰻魚加左薑汁落去燒，好有新鮮感，佢like 喎！魚烏冬比魚麵粗身少少，亦更滑嘟嘟，條條都好飽滿有魚蛋味，推介。Twins 魚之脆卷$38分別係炸魚春卷 mix 炸墨魚春卷，配上特製麻醬，好香口，好好食，一試愛上。熱泡沫奶茶 跟餐 +$10係台式熱奶茶，甜甜地，多泡多奶，好滑。蜜桃椰菓綠茶 $22朋友飲的，都幾大杯，夠抵飲。環境都幾好，坐位闊落，而且裝修亦係有心思的，會再來。