Video
Read full review
2018-09-23
273 views
放假難得早起，於是去食個early lunch先，喺Openrice見到齒留香好評如潮，放是去試一試。近太子地鐵站D出口，轉個彎就到，門面唔起眼，但見到掛喺㕑窗嘅一隻隻油雞，燒鵝同充滿光澤嘅叉燒，就知道已經到左齒留香。入到去，親切可愛嘅侍應小姐好快帶左我去一張枱度坐低，遞上一杯暖水同餐牌。本來想試乳豬，但侍應小姐話未有，於是改為試油雞脾加必試嘅No.1叉燒配瀨粉。午餐送足料老火湯或熱飲，於是打算試下個老火湯有幾足料，但侍應小姐又話個湯未煲好，於是失望地叫返杯凍檸茶再加碟蠔油生菜，補充下膳食纖維。話都無咁快，瀨粉已經送到我面前，燒味同凍檸茶亦隨即送上。碗瀨粉望落似米線，比較粗身，食落唔會太硬。然後當然輪到主角:叉燒同油雞脾。首先試No.1叉燒，叉燒望落充滿光澤，一咬落口已經知非一般叉燒，肉質非常軟熟，充滿肉汁，外趣內軟，外層充滿蜜糖嘅香甜味，中間嘅肉都好入味。No.1叉燒果然名不虛傳，不愧為2018年燒味冠軍，食完的確齒頰留香！接住試埋個油雞脾，外皮上色剛剛好，色澤均勻，急不及待夾一舊放入口，果然同樣無令我失望。雞皮爽口，無多餘脂肪，皮肉分明，雞脾肉質非常嫩滑，食完滿口油香而唔會有肥膩感
近太子地鐵站D出口，轉個彎就到，門面唔起眼，但見到掛喺㕑窗嘅一隻隻油雞，燒鵝同充滿光澤嘅叉燒，就知道已經到左齒留香。
入到去，親切可愛嘅侍應小姐好快帶左我去一張枱度坐低，遞上一杯暖水同餐牌。本來想試乳豬，但侍應小姐話未有，於是改為試油雞脾加必試嘅No.1叉燒配瀨粉。午餐送足料老火湯或熱飲，於是打算試下個老火湯有幾足料，但侍應小姐又話個湯未煲好，於是失望地叫返杯凍檸茶再加碟蠔油生菜，補充下膳食纖維。
話都無咁快，瀨粉已經送到我面前，燒味同凍檸茶亦隨即送上。碗瀨粉望落似米線，比較粗身，食落唔會太硬。然後當然輪到主角:叉燒同油雞脾。
首先試No.1叉燒，叉燒望落充滿光澤，一咬落口已經知非一般叉燒，肉質非常軟熟，充滿肉汁，外趣內軟，外層充滿蜜糖嘅香甜味，中間嘅肉都好入味。No.1叉燒果然名不虛傳，不愧為2018年燒味冠軍，食完的確齒頰留香！
接住試埋個油雞脾，外皮上色剛剛好，色澤均勻，急不及待夾一舊放入口，果然同樣無令我失望。雞皮爽口，無多餘脂肪，皮肉分明，雞脾肉質非常嫩滑，食完滿口油香而唔會有肥膩感。
當我食到一半，沉醉緊係叉燒同油雞脾嘅時候，侍應小姐送上一碗足料老火湯，啱啱話未煲好嘅老火湯已經煲好咗，當然要試埋啦！好有誠意，值得一讚！最後配埋碟蠔油生菜，飲埋杯凍檸茶，是日午餐就大滿足！
Post
