仝堂茶聚

Open Now

Now Closed

叫得仝堂茶聚當然係同朋友聚腳👨‍👩‍👧‍👦，飲下茶☕，我其實好鍾意同屋企人同朋友飲下荼🫖，食下點心🥟。我平時好少會寫飲茶食評嘅，因為一般茶樓酒樓都無咩特別，一係賣貴價精緻，一係平平地但賣嘅係人情味💕。今次出Post當然係因為佢係有特別嘅地方，一般茶樓酒樓點心貴價精緻但多數連鎖式集團式都係工場製，食落為過下飲茶癮🍵🫖但感覺係爭緊啲。至於呢間仝堂茶聚特別嘅地方，除咗店員用心落力為客人服務，俾餐牌，落茶快手，唔似一般茶樓要等好耐，收紙落單落菜快捷，更重要係點心係每朝早全人手由師傅製作，見佢未開門就有師傅落手落腳整點心，絕對抵讚👍🏼而且點心夠創新，菜式又會常規地改變，去過幾次肯定係會再返去食嘅中式茶聚地。