鼎·會館 (Closed)

名人會館@鼎·會館 中環皇后大道中80號H Queen's 23樓 很多電視明星都穩藏好手藝煮得一手好菜，鼎爺因一個飪任節目紅到衝出電視開食店，要食到講究家常菜，今日叫友人一起來吃中午飯，因姐太窮啦，晚市800-1000一位負擔不起，食午市味道一樣價錢平一半。落地大玻璃，光猛環境好grand 南瓜燴翅，好多份量架翅呀，南瓜蓉湯仲有好多雞肉絲同蟹肉，好實在足料。蝦籽遼參柚皮，柚皮要做到唔苦又煮到本身纖維變腍是好考功夫的。加上發好彈牙低脂的遼參，個參仲煮到帶膠質食落有點黏牙似花膠，灑上爽口鹹香的蝦籽，汁味道適中。燒腩仔同豉油雞，腩仔個芝麻皮香脆可口，又富溫脂好好味呀！雞的豉油帶甜，肉好嫩開胃。第一道紫晶千島汁脆蝦，蝦爽隻肉質爽口呀，加上個汁千島醬酸酸甜甜寧舍開胃，顏色已甚是搶眼，味道鮮味。牛坑腩我唔食，比唔到意見，但個湯好清徹。欖菜乾煸四季豆，炒完仲好爽口架！鮑汁炒飯，好似飲宴食到的感覺，yummy其實價位是比較高，但名氣手勢都是值得慕名而來。