留家廚房

Open Now

Now Closed

二訪呢間良心中餐，今次一篇過介紹。第一次午市黎有啲菜式試唔到，趁娘親生日就預早留定餸，今次老闆仲喺度監場呢。呢度有唔少功夫多，所以市面上鮮有嘅菜式，例如太史戈渣，而且以私房菜黎講價錢算係幾實惠，同長輩慶祝可以考慮下。🍽留家叉燒叉燒即叫即燒，呢個部位嘅肉特別鬆化，燶邊加蜜汁無得輸，留意只有晚市供應。🍽慢煮牛肋肉腐乳芝士汁一款中西合璧嘅菜式，低溫慢煮24小時嘅嘅加拿大牛肋配廖媽記腐乳同藍芝士醬，牛肋肉入口即化，腐乳芝士汁重口味得黎又幾夾，配埋煮到淋又無渣嘅蘆筍非常好食，唯一要挑剔嘅係有一兩客膏嘅比例較多。🍽太史戈渣原材料只有雞蛋、粟米粉、上湯，但聽講控制火候好考功夫，食落似炸玉子豆腐，但個上湯雞蛋餡當然香滑得多，點砂糖食梗有風味。🍽留家煙燻雞呢度嘅招牌菜之一，用玫瑰花蕾、片糖同甘蔗煙燻而成，滷汁甜甜地，雞肉嫩滑入味，必點。🍽薑蔥廣島蠔雖然蠔仔當然比唔上海鮮檔嘅大蠔咁嫩滑，但做到邊脆多汁已經好難得，薑蔥爆香可蓋過腥味，唔錯。🍽鮮拆蟹肉菜茸羹用大大隻碟上好似飲西湯咁，但其實份量唔多，個湯都幾濃稠，蟹肉鮮甜，食到蔬菜嘅原味。🍽艇曬蝦醬蒸玻璃肉半肥瘦豬肉切薄片後落蝦醬蒸，我唔鍾意肥膏所以難以評價，