達人烤肉 (Closed)

星期五放工，同成班朋友約埋係銅鑼灣食晚飯，原本都打算食韓國烤肉但又無咩好提議，於是就周圍行睇下有咩好野食。經過駱克道個陣見咁多人派傳單，傳單姐姐又咁落力派單張推銷呢間新開的達人烤肉，於是決定一試！等位時間不耐，但只是七點鐘已經好多人，店裡環境亦十分美觀及夠大。最驚喜既係正打算落單既時候，店員係唔識得講中文！查問之下原來店員大多是韓國人，只能用英文和普通話同佢地溝通。不禁令我們仿似於韓國般！爐上面包含蛋，芝士栗米，泡菜，西蘭花作伴菜，亦有生菜俾你包豬肉一齊食。除左芝士栗米要加$20外，其他都是無限refill。不但不提既係，雖然蛋只係配菜，但伴隨住紅蘿蔔和蔥卻出奇地清新同開胃，十分好食！我地都refill左四次！應店員的推介，我地Order左招牌既五花腩肉，護心肉，同秘製雞肉。竹筒五花腩肉既半肥瘦比例岩岩好，食落口一d都唔肥膩，口感非常彈牙又帶點鬆脆。而且，店員亦都會幫你燒同剪開，全程唔洗自己落手，確保舊肉燒得岩岩好！非常細心！(如果我地整應該煎到黑曬起晒焦！)護心肉聽聞係韓國非常之受歡迎，翻查原來係豬橫隔膜同肝之間既肌肉。作為招牌之一確實名不虛傳，入口非常爽滑，唔韌及有咬口，而且份量都