鯛魚魚湯專門店 (Closed)

自從一間我經常去的灣仔魚湯專門店關門之後，好一段時間都沒有喝到魚湯了。一日唔發市，發市當三年，今日一口氣補償返。不單單是魚湯，還有龍蝦和肉蟹， 名副其實魚蝦蟹。數年前新開的時候，已經幫襯過一次。 今次重臨，多咗啲堅嘢。有原隻龍蝦湯烏冬 ($138)，成隻手掌般長的龍蝦，用真火溫著承上。有架勢堂原隻肉蟹湯飯 ($138)， 亦都是㷫合合的。有殼睇唔到肉質是怎樣？拆開來看一看左邊是龍蝦，右邊是肉蟹。 個人認為右者， 鮮甜飽滿，更勝一籌 左邊的，可能浸熱湯太久，肉質稍為老了一點， 所以大家記得 快點把龍蝦肉拆出來吃。咁個湯底又有幾猛料呢？和其他魚湯餐廳不同，她只用鯛魚來煮湯， 幾重本的。鯛魚對我來說有一個深刻的印象， 曾經在日本沖繩釣魚，釣到一條鯛魚，即晚拿到餐廳作刺身，鮮甜無比。 可想然知，用鯛魚來煮湯， 也真的是無與倫比。還有一個溫馨提示，魚湯一定要趁熱來喝， 放涼了鮮甜會減少，放太久也會有魚腥味， 所以餐廳用熱窩來上魚湯， 這也是一個細心位。