Video
Read full review
2020-07-11
231 views
一開始確實係俾佢既裝修吸引，影相呃like簡直一流。可惜嘅係可能新開關係，嘢食冇乜得揀，員工基本上唔知自己有乜賣，要合三人之力先解答到有幾多款bagel, 定可以跟乜野，呢d基本問題。好唔容易落咗單，叫咗一杯咖啡同一杯宇治綠茶，一個原味Bagel,一個焙茶Bagel, 本身一個Bagel跟原味soft cheese一個跟chives cheese。點知佢介紹嘅一個special既核桃cheese. 又點樣中間甜甜地好好味，天花龍鳳，ok見你咁推介就跟你啦！等咗10分鐘拎咗2杯野飲，問佢個Bagel你拎比我？我哋個位係樓上。佢話唔係呀，客人要自己拎要我哋企係度等。ok，但佢從來無提過要整幾耐，咁諗住翻熱啫要幾耐啫？點知.....突然間有一個客係樓上落嚟投訴杯凍朱古力有酸味。員工話唔好意思會整過比佢叫佢係上面等。奇怪嘅係呢位員工無乜動靜只係繼續同另一個客吹水。解釋點樣品咖啡！其間我行近佢想問吓Bagel仲要整幾耐，佢都無反應。不斷吹水。過多5分鐘同一員工突然瞓醒係雪櫃攞個壼出嚟倒杯朱古力。原來d朱古力根本一早整好。點解唔即時倒比個客呢？如果上一杯有酸味，咁你又點肯定呢壺朱古力無事呢？我一頭
等咗10分鐘拎咗2杯野飲，問佢個Bagel你拎比我？我哋個位係樓上。佢話唔係呀，客人要自己拎要我哋企係度等。ok，但佢從來無提過要整幾耐，咁諗住翻熱啫要幾耐啫？點知.....突然間有一個客係樓上落嚟投訴杯凍朱古力有酸味。員工話唔好意思會整過比佢叫佢係上面等。奇怪嘅係呢位員工無乜動靜只係繼續同另一個客吹水。解釋點樣品咖啡！其間我行近佢想問吓Bagel仲要整幾耐，佢都無反應。不斷吹水。過多5分鐘同一員工突然瞓醒係雪櫃攞個壼出嚟倒杯朱古力。原來d朱古力根本一早整好。點解唔即時倒比個客呢？如果上一杯有酸味，咁你又點肯定呢壺朱古力無事呢？我一頭黑人問號？
為咗唔想企成世，我鼓氣我畢生最大嘅勇氣去問另一個幫我落單既員工，係呢個時候佢開始去尋找個2個返熱咗20分鐘既Bagel。同埋2款無既cheese。
最後佢比咗2款烙茶bagel 同chives cheese我哋。食住呢2個翻熱翻到un晒皮既bagel, 口裏呷住一口都係綠茶粉既green tea。我諗除咗相機開心之外，我都無乜想講! 名副其實mamaday!
17 views
0 likes
0 comments
Post
