九記牛腩

Open Now

Now Closed

土生土長在香港生活了幾十年, 久聞此店大名但從未光顧, 早幾天過開香港島, 決定一試。 終於在下午三時左右到達, 門外排隊15分鐘入座。小小一張圓枱坐了6人, 非常擠迫, 算喇, 落單叫嘢, 伙記態度傲慢冇禮, 2人叫了一碗牛腩河, 一碗咖哩腩麵, 加蠔油生菜(因冇其他菜可選擇), 2杯凍檸茶。食物來得算快, 雖然已經用了超級細碗, 但仍與旁邊客人碰撞, 唯有盡速食完走人。講番用細碗的問題, 太細不夠湯, 湯麵冇湯根本是大忌, 生麵河粉吸乾了湯更難食。牛腩本身不差, 只係有點碎, 但並非特別好味, 生菜普通, 但因其他環境氣氛影響, 食得很不暢快, 應該不會再幫襯。