Video
Read full review
2010-07-31
13 views
今日同5個朋友一行6人經友人介紹特登去試一下呢個容記小菜王~當然事前亦上呢個openrice search 下其他網友既食評~ 一入黎wa乜料!? 七十幾個好味 29個ok 但有34個唔好味...!? 米芝蓮wor ...好再睇左3頁食評~有d網友讚就有d網友彈得好誇張~ 然後都係本著人一世物一世既心態(本人同d fd 都係貧窮既學生哥) 黎呢間容記一試真偽~!人生路不熟~係深水埗D2 出口兜左一陣先搵到福華街...因為唔記得左背地圖~然後一入間鋪~就有人離遠問幾位~然後就話去果邊果間~原來佢係同一條街有2間鋪~相隔20米左右~可能係應付多人~廚房出菜就係係右邊果間(主店?)~左邊果間就係only坐(都有收銀)~我地係大約7點搭10坐低~基本上已經係openrice諗定食咩~就點左1)招牌脆皮燒肉2)沙拉骨3)鐵板燒釀茄子4)海皇豆腐煲5)羅漢齋卷6)椒鹽鮮魷本來想叫6個12蚊果d煲仔飯~但佢個伙計話冬天先有由於只係o係 openrice呢度見有d網友話有煲仔飯食~同埋第一次去唔太清楚~咁就算~最後我地6個男仔前後叫左8個白飯~另加2枝18蚊既嘉士伯啤酒~上菜速度奇快...呢個值得一讚
好味...!? 米芝蓮wor ...好再睇左3頁食評~有d網友讚就有d網友彈得好誇張~ 然後都係本著人一世物一世既心態(本人同d fd 都係貧窮既學生哥) 黎呢間容記一試真偽~!
人生路不熟~係深水埗D2 出口兜左一陣先搵到福華街...因為唔記得左背地圖~然後一入間鋪~就有人離遠問幾位~然後就話去果邊果間~原來佢係同一條街有2間鋪~相隔20米左右~可能係應付多人~廚房出菜就係係右邊果間(主店?)~左邊果間就係only坐(都有收銀)~
我地係大約7點搭10坐低~基本上已經係openrice諗定食咩~就點左
1)招牌脆皮燒肉
2)沙拉骨
3)鐵板燒釀茄子
4)海皇豆腐煲
5)羅漢齋卷
6)椒鹽鮮魷
本來想叫6個12蚊果d煲仔飯~但佢個伙計話冬天先有
由於只係o係 openrice呢度見有d網友話有煲仔飯食~同埋第一次去唔太清楚~咁就算~最後我地6個男仔前後叫左8個白飯~另加2枝18蚊既嘉士伯啤酒~
上菜速度奇快...呢個值得一讚
我諗由點菜到6個菜黎齊都唔駛10分鐘
最先黎既係燒肉 例牌118
我地呢d學生未似大人咁會好客氣~係會數有幾多舊既 (姐係計每人食幾舊)
total有20舊~姐係每舊承惠$5.9~
見呢度差唔多100%網友都對呢個燒肉有讚無彈~
咁當然黎到要食啦~未入門口之前仲話如果燒肉賣晒就唔食呢間~
抱著咁大既期望~當然會有少少失望~
講真我覺得呢個燒肉唔算好食
上到黎係熱既...或者你可以話係暖啦
無錯皮係好脆...但係脆到乾架囉...你可能會話玩野咩....唔通d皮濕呀...
但佢呢隻乾係仲乾過餅乾~唔知點講~總之唔係我想像中咁~
另外唔知係咪佢熱上~肉同肉中間夾住果d脂肪好溶~感覺上好漏~肉又無咩肉味
雖然d肉係好嫩~唔鞋~亦唔會太咸~但整體黎講我覺得唔太好食...起碼唔值呢個價~
亦都唔係我食過既燒肉之中最好食~個人覺得有d名過於實...
見隔離台5個大叔仲食剩5,6舊燒肉添
我覺得最好食既燒肉一定係皮脆~但皮唔會勁乾~嫩~有肉味~唔太咸~肉同脂肪分明~肉同肉之間既脂肪係韌韌地~姐係唔會好似食緊肥羔咁~
最接近呢個口感既我食過係廣x燒味既燒肉~但佢就咸到ar媽都唔認得...
好講完個名大於實既燒肉~講第2味沙拉骨
有d網友話好食~有d話就咁煮溶沙拉醫放上去之嘛~
講真我真係諗唔到沙拉醫可以咁用...
同行既一個fd話呢碟係點既餸之中最好食~
但我就覺得麻麻...無咩特別....d肉都係雪藏ga la...所以無咩肉味...
呢碟ok啦...但又係果句...唔值68囉...
第3味 鐵板燒釀茄子~
呢個我覺得算係唔錯~幾好既一個餸~有d創意~用錫紙包住黎焗(?)
個伙計一拆開~好多蒸氣~夠熱~原條茄子~茄子同茄子(一片片切開左既)之間有d魚膠(?)~
個醫汁有肉碎同洋蔥~個汁幾好味~送飯一流~
出黎食飯預左人地一定賺~點會食成本價? 但呢個茄子可能成本好低~但起碼食得開心~
我覺得呢個係點6個餸之中最驚喜同最好味~
第4味 海皇豆腐煲
有炸豆腐~帶子~蝦球~鮮魷~仲有d類似魷魚但好似又唔係魷魚既物體~配菜有西芹~唔知咩菇~洋蔥~紅羅蔔~
呢味都正正常常~唔係話特別好食~我只可以講其他大排檔都做到呢個菜~可以都係咁既味道!
個汁我都係覺得鐵板燒釀茄子個汁好味d~ 但個人覺得呢個海皇豆腐煲算係最抵~ 盛惠$68
第5味 羅漢齋卷
真係要狠狠批一句...差
唔止我一個話差~其他5個fd都話差!
一碟6舊~岩岩好一人一舊~咬落去~腐皮咬唔爛的~
食裡面d齋~好多料~但如同食油~係食緊油...
食菜仲油過食肉...點搞呀.
所以一句講晒~差到核爆
多謝$58
最後一味 椒鹽鮮魷
ok啦...只可以講好過你出面煎釀3寶果d檔攤既 炸魷魚鬚~
無咩特別...講講下佢好似都係炸魷魚鬚only.....都無椒鹽既
d炸粉都厚~講真$68又係唔抵既一味餸
好到最後埋單
盛惠568~
比左570蚊佢~
等左一分鐘都未找錢~
有個fd問做咩仲唔走?
我問找左錢啦?
個fd話果2蚊佢當貼士ga la~(因為佢無收加一)
我心諗...下
咩餐廳呀...2蚊唔係錢呀?
1毫子都係錢啦~
你係唔係應該點都放返2蚊係果個牌(例如唱k拎入黎收錢揸住果舊牌)果到比返我地先呀?
大佬我地唔要係一回事~但佢完全無咁做囉~以為2蚊好少就自己袋左當貼士~
咁如果我比1000蚊既話你唔該一聲432蚊拎去當貼士呀?
咩餐廳呀
勁差囉呢下
當然無同佢理論啦~因為唔會再幫襯呢間野
第一次係openrice寫食評~不喜勿插~
可能你會見到好多抵唔抵食呀~錢既問題~因為仲係學生~未出黎搵錢~
68蚊一個大排檔貨色餸黎講其實都唔平~每人今次仲食左95蚊添~
95蚊對於學生黎講係唔少ga la~!
總結: 名過於實~唔值米芝蓮推介餐廳~重申佢並無任何星級~同埋唔會再黎呢間....
真係一次就夠
係啦無影相~其實睇其他食評既相都ok啦~
Post